Дархан-Уул аймгийн онцгой комиссоос мэдээлэл хийлээ. Аймгийн хэмжээнд 0 зогсолтыг зогсоосон ч, арванхоёрдугаар сарын 1 хүртэл Бүх нийтийн бэлэн байдлын зэрэг үргэлжилнэ гэв.  Тус аймагт эхний ээлжинд тэд 16 хүн коронавирусаар өвчилснийг тогтоож, ХӨСҮТ-д хүргэсэн гэлээ.

Эдгээр иргэнтэй ойрын хавьтлын 200 гаруй иргэнийг тусгаарлаж, шинжилгээ авч байгаа аж. Иргэдээс гэртээ харих хүсэлт гаргаж байгаа ч тусгаарлах шаардлагтай гэдгийг анхааруулав. Энэ талаар Дархан-Уул аймгийн Засаг дарга Б.Азжаргал  "Тусгаарлах байрны үйл ажиллагаанд анхаарал хандуулж байгаа. Мөн гэрээр тусгаарласан 820 хүн байна. Тус аймагт энэ сарын 16 анхны тохиолдол илэрч, 68 иргэнийг тусгаарласан. Бид "Нэг иргэн, нэг хүн" гэсэн шинжилгээг хийж, ногоон бүс тогтоож байгаа. Дархан сум, Шарын гол сум, Хонгор сумын төвд "Нэг иргэн, нэг хүн" гэсэн зарчмаар бүх иргэнийг шинжилгээнд хамруулна Эдгээр гурван суманд хатуу хөл хорио тогтооно. Аймгийн төвөөс иргэдийг тийш нэвтрүүлэхгүй" гэв.