Аймаг, нийслэл, сум, дүүргийн Иргэдийн Төлөөлөгчдийн Хурлын сонгуулийн санал хураалт өнөөдөр 07.00 цагт улс орон даяар эхэллээ.  

Энэ удаагийн сонгуульд 12 нам, эвсэл болон бие даан 17 мянга 161 нэр дэвшигч өрсөлдөж байгаа бөгөөд сонгуулийн үр дүнд 21 аймаг, нийслэлээс 816 төлөөлөгч, 330 сум, 9 дүүргээс 7353 төлөөлөгч сонгогдох юм.

Улсын бүртгэлийн ерөнхий газраас 2148 хэсгийн хороонд сонгогчдын нэрсийн жагсаалтыг хүргүүлсэн бөгөөд нийслэлд 1,004,256 сонгогч саналаа өгнө.

Санал хураалт өнөөдөр 20.00 цаг хүртэл явагдах юм. Мөн зөөврийн дөрвөн хайрцгаар иргэдийн саналыг авна. Иргэн та сонгуулийн санал өгөх байраа энд дарж мэдэх боломжтой.

СЕХ-ноос санал хураалтын ирцийн мэдээллийг өнөөдөр 12.00, 15.00, 19.00 цагт олон нийтэд мэдээлэх юм.