Мьянмарт төрийн эргэлт хийгээд байсан цэргийн хүчин өнгөрсөн хоногт тус улсын хамгийн том үндэстний босогчдын бүлэг гэгддэг Качин босогчид руу агаарын довтолгоо хийжээ. Качин мужийн Канси гэх тосгоныг онилсон агаарын довтолгооны улмаас гурван том дэлбэрэлт болж, дайралтын улмаас 50 гаруй хүн амиа алдаж, 100 орчим хүн шархадсан талаар Качины тусгаар тогтнолын армийн төлөөлөгч Нав Бу мэдэгдсэн байна. Качины босогчид болон Канси тосгоны оршин суугчдын хэлснээр агаарын довтолгоо хийхээсээ өмнө ямар ч мэдэгдэл хийгээгүй бөгөөд дайралтад энгийн иргэд өртсөнийг онцолжээ.

Ташрамд дурдахад, Качины босогчдын улс төрийн хүчин, армиас хамгаалдаг хаш уурхай нь жилд 30 тэрбум ам.доллароор үнэлэгддэг юм байна.