ОХУ-аас цэргийн дайчилгаа зарласан холбоотойгоор тус улсын парламентын доод танхим буюу Төрийн Дум дайнтай холбоотой хуульдаа өөрчлөлт оруулж, ял, шийтгэлийн хэмжээг нь нэмсэн. Тэгвэл өнөөдөр Оросын хүний эрхийн байгууллагуудаас ял, шийтгэлийн хэмжээ хэрхэн нэмэгдсэн талаар олон улсад мэдээллээ.

Өмнөх Дайны тухай хуульд парламентад суудалтай буюу ОХУ-ын томоохон албан тушаалтан дайны үед эх орон, цэргээ орхивол гурван жилийн хорих ялаар шийтгэдэг байжээ. Харин тус хуулийн шинэчлэн баталсан заалтаар 10 жил болгон нэмэгдүүлсэн байна. Мөн

• Цэргийн дайчилгааг эсэргүүцвэл 15 жилийн хорих ял,
• Дайны талбарыг орхивол 15 жилийн хорих ял,
• Цэрэг сайн дураараа бууж өгөх, тулааны талбарыг дээрэмдвэл 10 жилийн хорих ял ногдуулахаар тусгажээ.

                                 ОХУ-ын Дайны тухай хуулийг шинэчлэн баталсан талаар тус улсын хүний эрхийн хуульч Павел Чиков “Шинэчлэн баталсан хуульд өмнө нь ОХУ-ын Эрүүгийн хуульд байгаагүй дайчилгаа, байлдааны бэлэн байдал, дайны үе гэсэн ойлголт оруулсан” байгааг онцолсон байна. Харин Оросын цэргийн хуульч Максим Гребенюк “Дайчилгаанд оролцохоос татгалзсан иргэдийг шууд хорих ялаар шийтгэх боломжтой” гэжээ.