Японы өмнөд хэсгийн Кюсюгийн арлыг дайран өнгөрсөн Нанмадол хар салхины улмаас тус бүс нутгийн 350 мянга гаруй орон сууц цахилгаангүй болж, олон арван мянган хүн орон гэргүй болж, хамгаалах байранд оржээ. Хар салхи цааш Хоншюгийн гол арлыг дайран өнгөрөх төлөвтэй байгаа бөгөөд болзошгүй аюулаас сэргийлэхийн тулд есөн сая хүнийг нүүлгэн шилжүүлэхийг уриалаад байгаа аж.

                        Өнгөрсөн өдөр Нанмадол хар салхины улмаас хоёр хүн амиа алдаж, 90 орчим хүн шархаджээ. Хар салхи цагт 234 км-ийн хурдтай байсан бөгөөд галт тэрэг, гатлага онгоц, олон улсын нислэгүүдийн хуваарийг тодорхой хугацаагаар цуцалсан.

Хамгийн сүүлийн мэдээллээр Японы Кагошима, Миязаки, Оита, Кумамото, Ямагучи зэрэг бүс нутагт Нанмадол хар салхийг тав дахь түвшний гамшиг болгон зарлаж, нүүлгэн шилжүүлэлт эхлээд байгаа юм.