БНСУ-ын “Yonhap” мэдээллийн агентлаг Монгол Улсын Ерөнхийлөгч У.Хүрэлсүх БНАСАУ-ын удирдагч Ким Жон Уныг айлчлахыг урьсан талаар мэдээлжээ.

Монгол Улсын Ерөнхийлөгч У.Хүрэлсүх БНАСАУ-ын дэглэм тогтоосны ойн баярт баяр хүргэж, тус улсын удирдагч Ким Жон Унд бичсэн захидалдаа,

                                  “Манай хоёр улс ах дүүгийн найрамдалт харилцаа, харилцан бие биенээ дэмжиж ирсэн уламжлалтай. Хоёр орны харилцааг хөгжүүлэх, улс төрийн итгэлцлийг бэхжүүлэхэд дээд түвшний айлчлалт, уулзалтууд чухал ач холбогдолтой. Үүнийг хэрэгжүүлэх сайхан боломж бүрдэнэ гэдэгт итгэлтэй байна.

Монгол, Жусон(Хойд Солонгос) хоёр улсын ард түмэн эрт үеэс ах дүүгийн найрамдалт харилцаатай бөгөөд манай хоёр орон хүнд, хэцүү цаг үед нэгнээ дэмжиж ирсэн сайхан уламжлалтай. Хоёр орны орчин үеийн харилцааны бат бөх суурийг Монголын ард түмний дотнын анд, Солонгосын ард түмний удирдагч, ноён Ким Ир Сений үед тавьсан. Харин бид энэ эрин үед хоёр орны харилцааг өвлөн авч, тууштай хөгжүүлэх үүрэгтэй. Цаашид хоёр орны ард түмний хүсэл эрмэлзэл, нийтлэг ашиг сонирхолд нийцүүлж, бүс нутгийн энх тайван, хөгжил цэцэглэлтийн төлөө зүтгэнэ гэдэгт итгэлтэй байна” гэсэн аж.

                                  Монгол Улс, БНАСАУ хоёр 1948 оны аравдугаар сард дипломат харилцаа тогтоосон. Тэгвэл БНАСАУ-ын өнөөгийн удирдагч Ким Жон Ун 2013 онд засгийн эрхийг авахдаа Монголд айлчилж, Ерөнхийлөгч асан Ц.Элбэгдоржтой уулзсанаас өөр дээд хэмжээний уулзалт хийгээгүй юм.

Ташрамд дурдахад, Монгол Улсын Ерөнхийлөгч У.Хүрэлсүх 2021 оны зургадугаар сард сонгогдсон бөгөөд Ерөнхийлөгчөөр сонгогдсоноосоо хойш БНСУ-ын Ерөнхийлөгч асан Мүн Жэ Интэй цахимаар дээд хэмжээний уулзалт хийж байжээ.