Иргэн Д.Монголхүүг цагдан хорьсон асуудлаар түүний ар гэр болон өмгөөлөгч нь мэдээлэл хийлээ. Энэ талаар түүний өмгөөлөгч Б.Баяраа "Д.Монголхүүг анх Сүхбаатарын талбай дээр жагсаал хийх явцдаа цагдаагийн алба хаагчид халдсан хэмээн нэг жил зорчих эрхийг хязгаарласан. Тухайн үед . Тухайн үед Д.Монголхүү жагсаалд үзэл бодлоо илэрхийлэх зорилгоор төв талбай руу хүүхдийн гутал оруулах гэсэн ч цагдаагийн алба хаагчид хууль бус шаардлага тавьсан. Үүнээс болж маргаан үүссэн. Тухайлбал, тэр үед иргэний биед халдсан, үзэл бодлоо илэрхийлэх эрхийг нь хязгаарласан, иргэн Д.Монголхүүгийн биед халдсан цагдаа нарт хариуцлага тооцоогүй. Харин Д.Монголхүүд цагдаагийн биед халдсан гэх үндэслэлээр эрүүгийн хэрэг үүсгэсэн. Мэдээж шүүхээс оноосон ялыг эсэргүүцэж байсан ч шийдвэр гарсан учир хэрэгжүүлэхээс өөр аргагүй учир Д.Монголхүү зорчих эрхээ хязгаарлуулж, цахим гав зүүж байсан.