Ташрамд дурдахад, жүжигчин Т.Билэгжаргал нь 2019 онд мансууруулах бодис хэрэглэсэн үедээ ээжийгээ зодож буй дүрс бичлэг олон нийтийн сүлжээнд цацагдаж, шүүхээс хоёр жилийн ял сонссон. Харин 2020 онд Ерөнхийлөгчийн өршөөлөөр суллагдсан юм. 

Энэ хэргийн талаар Цагдаагийн ерөнхий газрын Хэвлэл мэдээллийн төвийн ахлах мэргэжилтэн Б.Билгүүнээс тодруулахад "Сүхбаатар дүүргийн наймдугаар хорооны нутаг дэвсгэрт байрлах "Улаанбаатар зочид буудлын нэг давхарт согтуу хүн агсараад байна" гэх дуудлагыг 21:15 цагт хүлээн авч ЦЕГ-ын алба хаагчид шалгасан. Зөрчил гаргаж, танхайрсан иргэн Б-г тус дүүрэг дэх Цагдаагийн газрын нэгдүгээр хэлтсийн эргүүлийн алба хаагчид шалгах үед гэнэт бие нь муудсан тул эмнэлгийн анхан шатны тусламж үзүүлсэн ч харамсалтай нь иргэн Б амиа алдсан. Уг хэргийг Сүхбаатар дүүргийн цагдаагийн газраас шалгаж байна" гэлээ.