МУСТА, жүжигчин Г.Нарансолонгийн төрсөн өдөр тохиож байна. Оюутан ахуй цагаасаа Х-Түц продакшнд ажиллаж, алдарт  "Сэргээш"-ээс эхлэн тайз, дэлгэцнээ гарч өөрийн өнгө төрхтэй олон сайхан дүр бүтээсэн. Тэр дундаа "Харьд одсон бүсгүйн заяа", "Мөрөөдлийн хөлөг онгоц", "Миний хөрш чөтгөр" киноны дурлалт бүсгүйн дүрийг онцлохгүй байх аргагүй. Энгийн даруу гоо, зөөлөн дүрүүд түүнийх байдаг. Мөн сэргэлэн цовоо, аливаа зүйлийн аргыг олдог, ухаанаар шийддэг дүрээр ч "Гурван найз яасан байх нь уу", "Хотын залуус" зэрэг киногоор уулзсан. Бүр түүнээс ч зоригтой, өөрийгөө өмнөх дүрүүдээсээ илүү эвдсэн дүр нь "Солонго үүл", "No Rules-2" киноноос харагдсан. Тэгэхээр уран бүтээлчийн хувьд аль ч дүрийг торохгүй гаргаж, мэргэжлийн үзүүлж чадах чадвар, туршлага дүүрэн. "Эмоци" продакшны үүсгэн байгуулагчдын нэг тэрбээр дүү нартаа үлгэрлэж, харилцан суралцаж, шинэ бүхэнд өөрийгөө сорьсоор байна.