Нийслэлийн Онцгой комиссоос өчигдөр  мэдээлэл хийж маргаашнаас хөл хорионы зэрэглэлийг бууруулж байгаагаа мэдэгдсэн билээ.  Энэ үеэр Нийслэлийн Засаг даргын орлогч Ж.Сандагсүрэн "Ирэх даваа гаригаас тээврийн хэрэгсэлд олгосон QR код үйлчлэхгүй, дугаарын хязгаарлалтаар хөдөлгөөнд оролцоно" гэдгийг хэлсэн юм. Тэрбээр "Ирэх даваа гарагийн 06:00 цагаас эхлэн QR код үйлчлэхгүй болно. Иймд замын хөдөлгөөн энгийн горимд шилжинэ. Нэг автомашин долоо хоногийн нэг өдөр хөдөлгөөнд оролцохгүй журмаа мөрдөнө” гэдгийг сануулсан. Мөн нийтийн тээвэр хэвийн горимоор иргэдэд үйлчлэх юм байна.