Сонгинохайрхан дүүргийн ЗДТГ-ын дарга Д.Төмөрбаатарын тушаалаар 47 сая төгрөгийн тавилга, ширээ, сандал авчээ. Тодруулбал, тус дүүргийн ЗДТГ-ын шилэн дансны мэдээллийг шүүж үзвэл, хэд хэдэн удаагийн гүйлгээгээр тавилга, ширээ, сандал худалдан авсан баримт, гэрээтэйгээ байх аж. Засгийн газрын хэмнэлтийг горимд шилжиж, хэмнэлтээ өөрсдөөсөө эхлүүлнэ хэмээн “том” ам гараад байгаа. Гэтэл нийслэлийн дүүргийнх нь ЗДТГ-ын дарга нь өөрийнхөө ая тухыг бодож, үнэтэй тавилга, сандал, ширээгээр албан өрөөгөө тохижуулах нь хэр зохистой вэ.

 Сонгинохайрхан дүүргийн ЗДТГ-ын дарга Д.Төмөрбаатарын тушаалаар зарцуулсан 47 сая төгрөгийн үнэ бүхий ширээ, сандал, тавилгын гэрээг танилцуулж байна. Ташрамд дурдахад нь энэ нь зөвхөн нэг сарын гүйлгээ гэдгийг цохон тэмдэглье.

Тодруулбал,

2021.12.21-ны өдөр 8.5 сая төгрөөр ЗДТГ-ын байранд “Солонго тамир” ХХК-аас тавилга худалдан авчээ.

2021.12.24-ний өдөр 8.8 сая төгрөөр ЗДТГ-ын байранд “Кэй эс би” ХХК-аас тавилга худалдан авчээ.

2021.12.24-ний өдөр 8.1 сая төгрөөр ЗДТГ-ын байранд “Юниланд” ХХК-аас тавилга худалдан авчээ.

2021.12.24-ний өдөр 7.9 сая төгрөөр ЗДТГ-ын байранд “Юниланд” ХХК-аас тавилга худалдан авчээ.

2021.12.24-ний өдөр 7.9 сая төгрөөр ЗДТГ-ын байранд “Солонго тамир” ХХК-аас тавилга худалдан авчээ.

2021.12.23-ний өдөр “ББС оффис мебель” ХХК Сонгинохайрхан дүүргийн ЗДТГ-ын байранд 8.9 сая төгрөгөөр тавилга нийлүүлжээ.