Өмнөговь аймгийн Булган суманд их хэмжээний үер буужээ.

Үерийн улмаас хүний амь эрсэдсэн болон эд хөрөнгийн хохирол учирсан талаар тус сумын Иргэдийн төлөөлөгдчийн хурлын нарийн бичгийн дарга Ц.Үүрийнтуяагаас тодруулахад “Тэнгэр үүлэрхэг байж байгаад 16:00 цагийн үед бороо орж эхэлсэн.

Ердөө хоёрхон цагийн дотор л ууланд буусан үер сумын төв рүү ороод ирлээ.

Үер гамшгийн хэмжээнд буусан. Одоогоор хүн гэмтэж, бэртсэн мэдээлэл ирээгүй байна. Өөрөөр хэлбэл, хүний амь эрсдээгүй, барилга байгууламж эвдэрч, айлын гэр урсах зэрэг ноцтой хохирол учраагүй. Гэнэт үер буусан учир сумын онцгой комиссын гишүүнд, багийн дарга нарын 10 гаруй хүний бүрэлдэхүүн иргэдэд туслахаар ажиллаж байна.

Бид албаны нэг трактороор айлын хашаа руу орсон үерийг усийг зайлуулах шуудуу татаж, зам гарган ажиллаж байгаа. Үерийн түвшин буурсан ч бүрэн татраагүй байна” гэв.