Хөвсгөл аймаг, Мөрөн сумийн Наран багийн нутаг дэвсгэрт өнөөдөр буюу тавдугаар сарын 4-нд нэг настай эрэгтэй хүүхэд дөрвөн метр гүн нүхэн жорлон руу унажээ. Энэ тухай дуудлага мэдээлэл тус аймгийн Онцгой байдлын газарт 13:04 цагт бүртгэгдсэн байна. Дуудлагын дагуу аврах ангийн есөн алба хаагч хүүхдийг эсэн мэнд гаргаж, эмнэлгийн байгууллагад хүлээлгэн өгсөн байна.

Тус аймгийн Онцгой байдлын газраас бага насны хүүхдийг харгалзах хүнгүйгээр гэртээ цоожилж үлдээхгүй байх, нүхэн жорлонд хаалт хамгаалалт хийж, ахуйн ослоос урьдчилан сэргийлэхийг анхаарууллаа.