Монгол Улсын өсөх идэр начин Э.Энхбатыг зодож, биед нь хүнд гэмтэл учруулсан хэрэгт буруутгагдан шалгагдаж буй Олимпийн аварга Н.Түвшинбаяр коронавирусийн халдвар авсан гэх мэдээлэл гараад байна. Энэ талаар Эрүүл мэндийн яамны Олон нийт, хэвлэл мэдээлэлтэй харилцах албаны зөвлөх Б.Ууганбаяраас тодруулахад “Н.Түвшинбаяр аваргын хоригдож буй 461 дүгээр ангиас коронавирусийн хэд хэдэн тохиолдол илэрсэн. Гэхдээ Н.Түвшинбаяр аварга халдвар авсан гэх мэдээлэл одоогоор алга байна. Маргааш 11:00 цагийн ээлжит мэдээгээр тодорхой мэдээлэл өгөх боломжтой” гэлээ. Харин ХӨСҮТ-ийн Халдварт өвчний тандалт судалгааны албаны дарга Ж.Байгалмаа “Хувь хүний мэдээллийг хэлэх боломжгүй” хэмээлээ. Н.Түвшинбаяр аваргын хувьд эхний тун вакцинаа хийлгэсэн аж.