Монголын морин спорт, уяачдын холбооны Тэргүүлэгчдийн 2021 оны гуравдугаар сарын 19-ний ээлжит хуралдаанаар Ардын хувьсгалын 100 жилийн түүхт ойг тохиолдуулан “100 жилийн их хүлэгч”-ийг шалгаруулж 100 сая төгрөг, аймаг нийслэлийн “Шилдэг хүлэгч”-ийг шалгаруулж 10 сая төгрөгөөр шагнахаар шийдвэрлэсэн байна.

Хүлэгчийг тодруулахдаа холбооноос ажлын хэсэг гарган болзол, шалгуурын дагуу тодруулж, Ардын хувьсгалын 100 жилийн ойн баяр наадмаар шагнаж,  урамшуулахаар тэргүүлэгчдийн тогтоол гаргажээ.

Шалгуурын хувьд хурдны хэвшлийн адуу, цөм сүргйиг бий болгоход бодит хувь нэмэр оруулж, өөрийн үржүүлсэн адуун сүргээс хурдны чиглэлээр улс, бүс, шигшмэл хурдан морьдын уралдаанд амжилт гаргахын зэрэгцээ бий болгосон хурдан хэвшлийн адуу нь бусад аймаг, сум, бүс нутагт хэрхэн тархсан болон хурдалж байгаа тоон үзүүлэлт зэргйиг харгалзан үзэх аж.