Хавар бол дэлхийн өнцөг булан бүрт франц хэлийг таниулан сурталчилдаг франц хэлтнүүдийн холбооны хамгийн оргил үе билээ. Монгол Улсад “Alliance Française de Mongolie” буюу Монгол-Францын төв (МФТ), болон Франц хэлний монгол багш нарын холбоо (APMLF) нар нь нэгдэж 22 жилийн турш энэхүү баярыг тэмдэглэж ирсэн билээ. Гэхдээ энэ жилийн хувьд Франц хэлтнүүдийн дунд шинэчлэлийн салхи эргэлдсэн онцлог жил болж байна.  

Энэ 22 жилийн турш бидэнд итгэл хүлээлгэн олон төрлийн үйл ажиллагаануудыг хамтран зохион байгуулж ирсэн хамтран ажиллагч болон дэмжигч байгуулагууд маань жил ирэх тусам улам нэмэгдэж, франц хэл болон франц соёлыг илүү олон хүнд хүргэн дэлгэрүүлэхийн төлөө хамтран зүтгэж байгаа билээ.

Монголын их дээд сургуулиуд, МУИС болон Сити их сургууль, AUF, APMLF зэрэг холбоонуудаас гадна, Монгол дахь Франц Сургууль (EFM), International School of Ulanbaatar (ISU), American School of Ulanbaatar түүнчлэн Нэгдүгээр сургууль гэх зэрэг олон хамтран зохион байгуулагчтайгаар хүрээгээ тэлсээр байна.

Мөн түүнчлэн Франц хэлний баярыг Монгол улс дахь Францын Элчин сайдын яам, Швейцарийн Хөгжлийн агенлтаг, Канадын элчин сайдын яам, Чехийн Элчин сайдын яам, Европын Холбооны Төлөөлөгчийн газар болон Бээжин дэх Бельгийн Элчин сайдын яам гэх зэрэг франц хэлтэн дипломат төлөөлөгчид дэмжин ажилладаг.

22 дахь удаагийн Франц хэлнүүдийн баярыг шинэлэг хэлбэрээр хамгийн сайнаараа дахин зохион байгуулж байна.  

•  Илүү интерактив: Франц хэлний түвшин харгалзахгүйгээр францын соёлыг сонирхон судалдаг бүх хүмүүс манай Фэйсбүүк хуудсаар дамжуулан франц, монгол хэл, соёлын талаарх нэвтрүүлгийг үзэж сэтгэгдлээ хуваалцах боломжтой.
• Соёл дээр илүү тулгуурласан: Энэ жилийн онцлог нь Франц хэлтэн уран бүтээлчдийн тоглолтыг онлайнаар зохион байгуулахаас гадна франц хэлтэн орнуудын хоолны соёл болон онцлогийг та бүхэндээ хүргэхээр зорин ажиллах болно.  Та манай Voilà рестораны тогооч Matthieu-н зааврын дагуу гэрээсээ гарахгүйгээр интернетээр  дөрвөн тивийн франц хэлтэн орнуудын хоолыг сураарай! Мөн түүнчлэн 7-н хоногийн турш онлайнаар богино хэмжээний киноны наадмын кинонуудыг хүргэх ба киноны төгсгөлд  сэдэвчилсэн мэтгэлцээнийг зохион байгуулахаар төлөвлөөд байна.
• Илүү өргөн хүрээнд: Энэхүү баяр нь зөвхөн франц хэл дээр төвлөрөх бус, харин франц хэлийг сонирхон суралцах МУИС болон Сити их сургуулийн оюутан залуус төдийгүй өсвөр үеийнхэн, мөн бяцхан хүүхдүүдээс гадна нийт монголчууд, олон улсын иргэдэд зориулсан өргөн хүрээний баяр билээ. Тус баярын хүрээнд Монголын илүү олон уран бүтээлчид фэйсбүүкээр дамжуулан оролцох боломжтой болсон.

Мэдээж баярын маань хамгийн чухал хэсэг болох “10-н үгээр наадъя”, дууны болон уран уншлагын тэмцээн бүгд онлайн хэлбэрт тулгуурлан явагдаж шилдэг оролцогдоо шалгаруулах болно.

Энэ жилийн бас нэг онцлог нь манай дууны тэмцээний шилдэг оролцогчдын бүтээл "Боловсрол" телевизээр цацагдах болно.

Тиймээс та бүхэн нийт оролцогчдыг маань дэмжин онлайнаар үнэ төлбөргүй гуравдугаар сарын 12-30-ны хооронд явагдах франц хэлний долоо хоног болон франц хэлний баярт маань нэгдээрэй.