Монгол Улсын Ерөнхий сайд Г.Занданшатар Канад Улсаас Монгол Улсад суугаа Элчин сайд Сандра Шуфани-г албан үүргээ дуусган эх орондоо бүрэн буцаж байгаатай нь холбогдуулан өнөөдөр хүлээн авч уулзлаа.  Уулзалтын үеэр хоёр улсын харилцаа, хамтын ажиллагааг Иж бүрэн түншлэлийн түвшинд хүргэх, өргөжүүлэн бэхжүүлэхэд оруулсан үнэтэй хувь нэмрийг нь үнэлж, Монгол Улсын Ерөнхийлөгч У.Хүрэлсүхийн зарлигаар Элчин сайд С.Шуфани-д “Найрамдал” медаль гардууллаа. Элчин сайд С.Шуфани Монгол, Канадын хамтын ажиллагааг ялангуяа уул уурхай, эрчим хүчний салбарт хөгжүүлэх өргөн боломж бий гэдгийг онцлон тэмдэглэв. Мөн Монгол Улсын Засгийн газар, Гадаад харилцааны яам болон холбогдох байгууллагуудаас үзүүлсэн дэмжлэг, хамтын ажиллагаанд талархал илэрхийллээ.