Дархан аварга Г.Өсөхбаярийн сэтгэгдлийг хүргэе. Тэрбээр “Наадмын бэлтгэл гэдэг бол бүтэн жилийн хөдөлмөр. Гайгүй сайхан бэлтгэл хийсэн, наадмын дэвжээ  өөрөө том шалгуур болдог. Өөрсдийн арга ухаан, мэх бүхэл зүйлийг сорьж байдаг талбар. Б.Зоригтбаатар маань шөвгөрлөө.  Манай залуучууд тавын даваанаас гурав, дөрвөөрөө гарч ирлээ. Бөх хүн унасан даваанаасаа дараа дараагийн наадамд бэлдэж байх ёстой гэдгийг ойлголоо.  Наадам сайхан болж байна. Жил бүрийн наадам өөр өөр онцлог, өнгө төрхтэй сайхан наадам болдог. Бөхийн барилдаан сонирхолтой болж эхэлж байна. Долоогийн даваанд аваргууд ямар ам авахаас шалтгаалаад бөхийн дараагийн даваа шийдэгдэнэ. Олон сайхан залуус төрч гарч ирж байна. Харахад бахдалтай сайхан байна. Дэлхийд ганцхан байдаг Монгол Улсынхаа өв уламжлал болсон наадмаараа монголчууд бүгд сайхан үндэсний хувцсаа өмсөж, билигтэй сайхан үгээ хэлж сайхан наадаж байна” гэлээ.