Төрийн их баяр наадмын соёолонгийн уралдаанд Ховд аймгийн Мянгад сумын харьяат, Монгол Улсын манлай уяач З.Мэндсайханы хул үрээ түрүүллээ. Энэ үеэр бид уяачийн сэтгэгдлийг хуваалсан юм. Тэрбээр "Их баяртай байна. Хул үрээний маань эх нь Баянхонгор аймгийн Бууцагаан сумын харьяат Монгол Улсын манлай уяач Цэдэвийн сүм саарал азарганы төл гүү. Аав минь Ховд аймгийн Мянгад сумын харьяат Загджав гэж хүн байсан. Сайхан хурдан морьтой. Миний авга, нагац ах нар бүгдээрээ хурдан морьтой, нутаг усандаа хүндлэгдсэн хүмүүс байдаг. Хамгийн анх төрийн наадамд чонон саарал үрээгээ айрагдуулж байлаа. 2011 оноос эхлэн морь уяад, өнөөдөр анх удаагаа төрийн наадмын түрүү авч байна. Энэ бол уяачийн маань эрдэм, унаач хүүхдийн маань олон жилийн хөдөлмөр" гэв.