Үндэсний их баяр наадмын нээлтээ үзэж, наадамлаж буй Төрийн түшээдийн сэтгэдлийг хүргэж байна. УИХ-ын дэд дарга Б.Пүрэвдорж "Нээлт их сайхан боллоо. Их зөөлөн, тэгсэн мөртлөө гүн агуулгатай. Монголоо сэтгэлдээ багтаавал монгол хүн болсны утга учир оршиж байгаа гэсэн сайхан агуулгатай, монголчуудын бүх өв соёлыг харуулсан нээлт болсон байна. Үнэхээр бахархаж байна. Монголчууд жилд хоёр удаа сайхан баярладаг. Наадмаараа сайхан баярлаж, өвлийн хахир хүйтнийг давдаг. Хавар шинийн нэгэнд ахан дүүсээрээ уулзаж, ерөөл хэлэлцэж, хаврын их ажлыг давдаг ард түмэн. Тиймээс энэ сайхан наадмаараа монголчууд минь дэнж хотойтол сайхан наадаж, намрын ажилдаа орж, амжилт гаргахыг хүсье" гэв.