Улсын хэмжээнд өнөөдрийн 11:00 цагийн байдлаар Сэлэнгэ аймагт 11 түймэр бүртгэгдсэн байгаагаас есөн түймрийг цурамд оруулж, хоёр түймрийг бүрэн унтраахаар ажиллаж байна. Тодруулбал тус аймгийн Мандал сумын "Сэртэнгийн ам", "Бугат уул", "Харгантын хушуу", "Бага харгант", "Ерөө сумын "Могойн гол", "Нугар салаа", "Асгатын ам", Хүдэр сумын "Шоргоолжны хадтай хошуу", Цагааннуур сумын "Баруун голын эх"-ийн газарт гарсан есөн ойн гал түймрийг цурамд оруулж, Ерөө суманд гарсан хоёр түймрийг унтраахаар ажиллаж байна. Ойн гал түймрийг унтраахаар төв, орон нутгийн Онцгой байдлын байгууллагын 275 алба хаагч, 13 автомашин, орон нутгийн мэргэжлийн ангийн 131 хүн, 23 автомашин, хоёр мотоцикл, 406 хүн, 36 автомашин, хоёр мотоциклтой ажиллаж байна.