Тулгар Төрийн 2234, Их Монгол Улсын 819, Үндэсний эрх чөлөө, тусгаар тогтнолоо сэргээн мандуулсны 114, Ардын хувьсгалын 104 жилийн ойн баяр наадмын Хурдан морины уралдаан өнөөдөр хязаалан насны морьдын уралдаанаар эхэллээ.  Уг ангилалд  256 хязаалан бүртгүүлснээс 195 нь стандарт хангаж уралдсан байна. Хязаалан насны уралдаанд Өвөрхангай аймгийн Хужирт сумын уяач Б.Гантигийн хурдан үрээ түрүүллээ. 

       Харин аман хүзүүнд Ховд аймгийн Чандмань сумын уяач н.Лхагвасүрэнгийн хурдан үрээ хурдалж, гуравт, Архангай аймгийн Чулуут сумын уяач Ц.Энхболдын үрээ, дөрөвт, Говь-Алтай аймгийн уяач Б.Гантулгын үрээ, айргийн тавдугаар байранд А.Наранбаатарын хурдан хар үрээ барианд орж ирсэн байна.