-Ходоодны хорт хавдар гэсэн онош батлагдаж, эмчилгээнд явахаар боллоо-

“Улаанбаатар Сонгдо” эмнэлгийн ерөнхий захирал, зүрхний мэс заслын их эмч Б.Болдсайхан өвдөж, эмчилгээнд явж байгаа талаар өөрийн цахим хуудастаа бичжээ.  Тэрбээр “Үүрээр эхэлсэн сүүлийн хагалгаа, ховдолын цоорхой нөхөх сайн боллоо. Одоо онгоцны буудлын зүг хөдөллөө. Нэгдүгээр сарын 13-ны шөнө ходоодноос гурван литр орчим цус алдаж ухаангүй “Сонгдо” эмнэлэгтээ хүргэгдэж, дурангаар цус тогтоолгосон. Ходоодны хорт хавдар гэсэн онош гарсан. Нэгдүгээр сарын 19-нд эмнэлгээс гарлаа. Өнөөдөр эмчилгээнд яваад нэг сар хагас болоод ирэх байх. “Зүрх мартахгүй” төсөл зогсохгүй. Намайг байсан ч байхгүй ч үргэлжлэх 20-иод хүнтэй сайн багтай. Хоёр сарын дараа дэлгэр Монгол орондоо яаран яаран ирж уулзахын ерөөл тавья" гэсэн байна.

Мөн тэрбээр “Уучлаарай. МИАТ ачааны карго онгоцонд билетээ аваад нислээ. Хэн нэгнийг хойш, урагш болгоогүй шүү. “Зүрх мартахгүй” төслөөр зүрхний хагалгаанд орж амжих байсан жаахан хүүхэдүүдийн өмнө уучлал гуйж байна” хэмээжээ.