Тулгар төр үүсгэн байгуулагдсны 2233, Их Монгол Улс үүсгэн байгуулагдсны 818, Үндэсний эрх чөлөө тусгаар тогтнолоо сэргээн мандуулсны 113, Ардын хувьсгалын 103 жилийн ойн Үндэсний их баяр наадмын хязаалан насны морьд бариандаа орлоо.

Хязаалан насны морьдын уралдаанд Дундговь аймгийн Эрдэнэдалай сумын уяач, Б.Чинзоригийн хүрэн үрээ түрүүлсэн бол Булган аймгийн Гурванбулаг сумын уугуул Дамбын Хишигжаргалын үрээ аман хүзүүдсэн. Сүхбаатар аймгийн Баяндэлгэр сумын уугуул уяач Б.Баярмагнайн бор үрээ айргийн гуравт хурдаллаа. Хурдан хязаалан насны морьдын уралдаанд түрүүлсэн хүрэн үрээний унаач хүүхдээс Эргэлт.мн сайтын сурвалжлах баг баярын сэтгэгдлийг нь хуваалцлаа. М.Ганмягмар "Би 12 настайгаасаа хойш морь унаж байна. Улсын  наадамд түрүүлэх юмсан гэж мөрөөддөг байсан. Энэ жил анх удаа унасан морь минь түрүүллээ. Улсын наадамд түрүүлсэндээ маш их баяртай байна" гэлээ.