ЭМЯ-наас коронавирусийн тархалтын талаарх ээлжит мэдээлэл хийлээ. Энэ үеэр ХӨСҮТ-ийн Тандалт, судалгааны албаны дарга А.Амбасэлмаа “ Өнгөрсөн 24 цагийн хугацаанд 12357 хүнд шинжилгээ хийхэд Баянзүрх дүүргийн голомтоос эмнэлгийн ажилтан хоёр, сахиур хоёр, өвчтөн дөрөв, гэр бүлийн таван хүнээс вирус илэрлээ. Ингэснээр Улаанбаатар хотод батлагдсан тохиолдол 219 болж байна. Харин Сэлэнгэ, Дорноговь, Дархан-Уул, Орхон, Говьсүмбэр, Архангай аймгуудад сүүлийн 24 цагт батлагдсан тохиолдол бүртгэгдээгүй. Ингээд манай улсын нийт тохиодол 1006 болж бүртгэгдлээ. Үүнд, Сэлэнгэ 216, Дархан-Уул 45, Орхон 25, Архангай гурав, Говьсүмбэр дөрөв, Дорноговь 32 бүртгэгдээд байна. Батлагдсан тохиолдлуудаас биеийн байдал нь маш хүнд нэг, хүнд зургаа, хүндэвтэр 22, хөнгөн 426 хүн байна. Баянзүрх дүүргийн голомтоос батлагдсан тохиолдол 75 болж, тандалт судалгаа үргэлжилж байна. Нийт 1249 ойрын хавьтлыг илрүүлж, 240 хүнээс давтан шинжилгээ авсан" гэж мэдээллээ.