Эрүүл мэндийн яамнаас цаг үеийн ээлжит мэдээллээ хийлээ.

Арванхоёрдугаар сарын 19-нд нийт 8416 хүнд шинжилгээ хийхэд найман хүнээс коронавирус илэрчээ. Үүнээс Баянзүрх дүүргийн нэгдсэн эмнэлгээс зургаа, тусгай үүргийн нислэгээр ирсэн зорчигчийн хоёроос нь илэрсэн байна.

Монгол Улсад голомтолсон халдвар илэрч байгаа тул гаднаас ирсэн халдвар авсан иргэд ирж байгаа нь эрсдлийн нэмэгдүүлж байгаа хэмээн ХӨСҮТ-ийн Тандалт судалгааны хэлтсийн дарга А.Амбасэлмаа хэллээ. Улсын хэмжээнд дотооддоо илэрсэн тохиолдол нь 500 боллоо. Ингэснээр нийт батлагдсан тохиолдол 961 байгаагаас 509 нь эдгэрчээ.