Монголбанкны Мөнгөний бодлогын хорооны өнөөдрийн хурлаар бодлогын хүүг хэвээр буюу зургаан хувьд хадгалах шийдвэр гаргалаа. Мөн жижиг, дунд үйлдвэрлэл, уул уурхайн бус экспортыг дэмжихэд зориулсан урт хугацаат санхүүжилтын хэрэгслээр 2021 оны нэгдүгээр улиралд 250 хүртэлх тэрбум төгрөг олгох шийдвэр гаргасныг Монголбанкны ерөнхийлөгч Б.Лхагвасүрэн танилцуулсан юм.

         Мөн эдийн засаг, банк, санхүүгийн зах зээлийн өнөөгийн байдал, ирээдүйн төлөв болон гадаад, дотоод орчны төлөв байдал, эрсдэлийг харгалзан үзээд, бодлогын хүүг хэвээр хадгалах, жижиг, дунд үйлдвэрлэл, уул уурхайн бус экспортыг дэмжихэд зориулсан урт хугацаат дахин санхүүжилтийн хэрэгслээр ирэх оны нэгдүгээр улиралд 250 хүртэлх тэрбум төгрөгийг олгох шийдвэр гаргалаа.

        Жилийн инфляц 2020 оны арваннэгдүгээр сард улсын хэмжээнд 3.5 хувь, Улаанбаатар хотын хэмжээнд 4.3 хувьтай байна. Төв банкны үнэт цаасны хэмжээ нэмэгдсэн. Банкны нөөцөөр худалдаж авсан долоон их наяд төгрөгийн төсөв байна. Эдийн засгийн төлөв байдал эрсдэлтэй учир шинэ зээл авахыг банк, ББСБ зориулж, төв банкны үнэт цаасыг түр хадгалж байна. Эдийн засаг ирэх жил 6.2 хувь хэвээр байх боломжтой ч бид 6.4 хувь болж нэмэгдэх магадлалтай хэмээн харж байна” гэлээ.