МИАТ ТӨХК нь аялал жуулчлалын оргил үе, зуны нислэгийн үед Европ чиглэлийн зорчигч урсгал ихэссэнтэй холбоотой үүссэн эрэлтийг хангах зорилгоор АНУ-ын Omni International Airlines компаниас 247 хүний суудалтай В767-300 агаарын хөлгийг түрээслэн нислэг үйлдвэрлэлдээ ашиглаж байна. ОМ138А аяллын нислэгийн хувьд агаарын хөлгийн шингэн дамжуулах системийн холбоосны жийргэвч резин муудсанаас шингэн алдаж байсныг илрүүлж, шинээр суурилуулан дутагдалыг бүрэн арилган тус нислэг Франкфурт хотоос орон нутгийн цагаар 15:00 цагт Улаанбаатар хотын чиглэлд хөөрөхөд бэлэн боллоо.

    Мөн Франкфурт Улаанбаатар чиглэлд нислэг үйлдэж буй Omni International Airlines нь АНУ-ын компани учраас Европ чиглэлийн нислэгт ОХУ-ын агаарын замыг тойрч байгаа тул нислэгийн үргэлжлэх хугацаа уртсан нисгэх бүрэлдэхүүний хугацаа хэтрэх нөхцөл үүсч дараагийн төлөвлөгдсөн нислэгүүдэд нөлөөлж байна. МИАТ ТӨХК нь нислэг саатлын үед ажиллах журмын дагуу зорчигчдод холбогдох үйлчилгээг үзүүлэхийн зэрэгцээ цааш дамжин нисэх зорчигчдын аяллыг зохицуулах, хохирлыг барагдуулах зэрэг шаардлагатай арга хэмжээ авч ажиллаж байна.