БХЯ-ны харьяа зэвсэг хүчний “Алдар” спорт хорооны 80 жилийн ойн хүрээнд зохион байгуулагдсан “Алдарын цом” өсвөрийн шатарчдын түргэн болон түргэвчилсэн тоглолтын улсын аварга шалгаруулах тэмцээн болж өндөрлөв.Тус УАШТ-д “Хан-Алтай” клуб амжилттай оролцож стандарт төрөлд багийн дүнгээр хүрэл медаль хүртлээ.

   “Хан-Алтай” клуб нь 2011 оноос эхлэн өсвөрийн шатарчдын улсын аварга шалгаруулах тэмцээнд оролцож эхэлсэн бөгөөд өдгөө багийн дүнгээр нийт таван алт, таван мөнгө, хоёр хүрэл медалийн эзэн болсон байна.

Стандарт төрөлд:

- 17-18 насны охидын ангилалд WFM Э. Хүслэн алтан медаль

- 15-16 насны нээлттэй ангилалд СДМ Г. Зэв алтан медаль

- 11-12 насны охидын ангилалд М.Мандухай хүрэл медаль

- 9-10 насны нээлттэй ангилалд Өвөрхангай аймгаас оролцсон тус клубийн тамирчин Б.Төгөлдөр шагналт 5-р байр тус тус эзэллээ.

Түргэвчилсэн төрөлд:

- 9-10 насны нээлттэй ангилалд Өвөрхангай аймгаас оролцсон тус клубийн тамирчин Б.Төгөлдөр алтан медаль

- 11-12 насны охидын ангилалд М.Мандухай шагналт 4-р байр

- 13-14 насны нээлттэй ангилалд М. Очирбат шагналт 5-р байр тус тус эзэлсэн.

Түргэн төрөлд:

- 9-10 насны нээлттэй ангилалд Өвөрхангай аймгаас оролцсон тус клубийн тамирчин Б.Төгөлдөр мөнгөн медаль

- 17-18 насны охидын ангилалд WFM Э. Хүслэн хүрэл медаль

- 15-16 насны нээлттэй ангилалд СДМ Г. Зэв хүрэл медаль

- 11-12 насны нээлттэй ангилалд Б.Бат-Амгалан шагналт 4-р байр

- 11-12 насны охидын ангилалд М.Мандухай шагналт 5-р байр тус тус эзэллээ.