Сүүлийн өдрүүдэд Жэжүгийн морин уралдаантай холбоотой ноцтой мэдээлэл БНСУ-ын хэвлэлүүдээр гарч байна. Монгол сургагчийн хариуцаж байсан морьдоос “нандролон” гэх хориотой допинг бодис илэрч, уралдаан зогссон байна. Нандролон бодисын хор уршиг нь дааврын тэнцвэр алдагдуулж, хиймэл хүч нэмэгдүүлдэг юм байна.

   Мөн зүрх судас, элэг, бөөрийг гэмтээдэг аюултай аж.Өмнөд Солонгосын Мал, амьтны хамгааллын хууль зөрчиж,  амьтанд зориудаар хор нөлөөтэй бодис хэрэглэсэн гэж үзвэл гурван жил хүртэл хорих ял эсвэл 30 сая воноос дээш торгуультай гэнэ.

   Жежүгийн морьд Хонконг руу зарагдах гэж байсан ч допинг буюу хориотой бодис хэрэглэснээс шалтгаалан борлуулалт цуцлагдаж, нэмэлт хохирол үүссэн талаар ч Өмнөд Солонгосын хэвлэлд мэдээлсэн байна. Тус хэрэгт сэжиглэгдэж буй Монгол сургагч хэрэг шалгалтын явцад эх орон руугаа зугтжээ. Өмнөд Солонгосын цагдаагийн газар хэргийг үргэлжилүүлэн шалгаж байгаа талаар ч Солонгосын хэвлэл мэдээлсэн байна.