ОХУ-ын Ерөнхий сайд Михайл Мишустины шийдвэрээр өнөөдрөөс хилийн хязгаарлалтын дэглэмээ цуцалж байгаа аж. ОХУ 2020 оны гуравдугаар сард хилийн хязгаарлалтын дэглэмд шилжиж, наймдугаар сард хилээ бүрэн хаасан байдаг.

Өнгөрсөн гуравдугаар сараас хөл хориогоо багасгаж, хуурай газрын боомтоор хил нэвтрэхдээ ПСР тест өгөх шаардлагагүй болгосон ч энэ шийдвэр нь зөвхөн Евроазийн эдийн засгийн зөвлөлийн гишүүн орнууд болох Армен, Беларусь, Казахстан, Киргизстан болон өөрийн улсын иргэдэд нь л хамаарч байв. Бусад улсын хувьд хаалттай хэвээр үлдээсэн нь одоо ийнхүү бүрэн цуцлагдлаа.