Эргэлт.мн мэдээллийн сайт цаг агаар,ам.доллар, ноолуур, шатахуун зэргийн цаг үеийн мэдээлэл, үнэ ханшийн талаарх нэгдсэн мэдээллийг хүргэж байна.

-ЭНЭ САРД ЦАСАН БОЛОН ШОРООН ШУУРГА ШУУРЧ БОЛЗОШГҮЙ-

  Цаг уур, орчны шинжилгээний газраас гуравдугаар сарын цаг агаарын ерөнхий төлөв байдлын мэдээг гаргажээ. Энэ сард салхины хурд нэг, хоёр, гуравдугаар хоногийн дунд үе болон гуравдугаар арав хоногийн сүүлчээр зарим газраар 14-16 м/с, зарим үед 14-28 м/с хүрч ширүүсэн, цасан болон шороон шуурга шуурч болзошгүй байна.

 Баруун аймгуудын нутгаар: Энэ сард агаарын дундаж температур Ховд, Говь–Алтайн өмнөд хэсгээр олон жилийн дунджийн орчим, бусад нутгаар дунджаас дулаан байна. Хур тунадас Баян–Өлгий, Завханы ихэнх нутаг, Ховдын өмнөд, Говь-Алтайн баруун өмнөд, Увсын зүүн, Баянхонгорын хойд хэсгээр олон жилийн дунджаас ахиу, бусад нутгаар дунджийн орчим орох төлөвтэй байна. 

  Агаарын температур нэг болон хоёрдугаар арав хоногийн эхэн, гуравдугаар арав хоногийн эхэн болон сүүлчээр ихэнх нутгаар олон жилийн дунджаас 1-4°С-аар дулаан байх бол нэгдүгээр арав хоногийн сүүлийн хагаст ихэнх нутгаар олон жилийн дунджаас 1-4°С-аар, хоёрдугаар арав хоногийн дунд үеэр 2-4°С-аар хүйтэн байх төлөвтэй байна.

   Нэг, хоёр, гуравдугаар арав хоногийн дунд үе болон гуравдугаар арав хоногийн сүүлчээр ихэнх нутгаар хур тунадас орно. Салхины хурд нэг, хоёр, гуравдугаар арав хоногийн дунд үе ба гуравдугаар арав хоногийн сүүлчээр 14-16 м/с, зарим үед 18-20 м/с хүрч ширүүсэн цасан болон шороон шуурга шуурч болзошгүй.

   Төвийн аймгуудын нутгаар:  Энэ сард агаарын дундаж температур нийт нутгаар олон жилийн дунджаас дулаан, хур тунадас Архангайн өмнөд, Өвөрхангайн баруун хойд хэсгээр дунджаас ахиу, бусад нутгаар дунджийн орчим орох төлөвтэй байна. Агаарын температур нэг болон хоёрдугаар арав хоногийн эхэн ба дунд үе, гуравдугаар арав хоногийн эхэн болон сүүлчээр ихэнх нутгаар олон жилийн дунджаас 1-4°С-аар дулаан байх бол нэгдүгээр арав хоногийн сүүлийн хагаст ихэнх нутгаар олон жилийн дунджаас 1-4°С-аар, хоёрдугаар арав хоногийн дунд үеэр 2-4°С-аар хүйтэн байх төлөвтэй байна.

    Нэгдүгээр арав  хоногийн сүүлч, хоёр, гуравдугаар арав хоногийн дунд үеэр ихэнх нутгаар хур тунадас орно. Салхины хурд нэг, хоёр, гуравдугаар арав хоногийн дунд үе ба гуравдугаар арав хоногийн сүүлчээр 14–16 м/с, зарим үед 18–20 м/с хүрч ширүүсэн цасан болон шороон шуурга шуурч болзошгүй.

  Зүүн аймгуудын нутгаар: Энэ сард агаарын дундаж температур нийт нутгаар олон жилийн дунджаас дулаан, хур тунадас Хэнтий, Дорнодын ихэнх нутаг, Сүхбаатарын хойд хэсгээр олон жилийн дунджаас бага, бусад нутгаар дунджийн орчим орох төлөвтэй байна

 Агаарын температур нэгдүгээр арав хоногийн дунд болон сүүл, хоёрдугаар арав хоногийн дунд, гуравдугаар арав хоногийн турш ихэнх нутгаар олон жилийн дунджаас 1-4°С-аар дулаан байх бол нэгдүгээр арав хоногийн эхэн, хоёрдугаар арав хоногийн сүүлчээр ихэнх нутгаар олон жилийн дунджаас 1-4°С-аар хүйтэн байх төлөвтэй байна.

  Нэгдүгээр арав  хоногийн сүүлч, хоёр, гуравдугаар арав хоногийн дунд үеэр ихэнх нутгаар хур тунадас орно. Салхины хурд нэг, хоёр, гуравдугаар арав хоногийн дунд үе ба гуравдугаар арав хоногийн сүүлчээр 14–16 м/с, зарим үед 18–20 м/с хүрч ширүүсэн цасан болон шороон шуурга шуурч болзошгүй.

  Говийн аймгуудын нутгаар: Энэ сард агаарын дундаж температур нийт нутгаар олон жилийн дунджаас дулаан, хур тунадас олон жилийн дунджийн орчим орох төлөвтэй байна Агаарын температур нэгдүгээр арав хоногийн дунд болон сүүл, хоёрдугаар арав хоногийн дунд, гуравдугаар арав хоногийн дунд болон сүүлчээр ихэнх нутгаар олон жилийн дунджаас 1-4°С-аар дулаан байх бол нэгдүгээр арав хоногийн эхэн, хоёрдугаар арав хоногийн сүүлчээр ихэнх нутгаар олон жилийн дунджаас 1-4°С-аар хүйтэн байх төлөвтэй байна.

  Хоёрдугаар арав хоногийн дунд, гуравдугаар арав хоногийн эхэн болон сүүлчээр ихэнх нутгаар хур тунадас орно. Салхины хурд нэг, хоёр, гуравдугаар арав хоногийн дунд үе ба гуравдугаар арав хоногийн сүүлчээр 14–16 м/с, зарим үед 18–22 м/с хүрч ширүүсэн цасан болон шороон шуурга шуурч болзошгүй.

-АМ.ДОЛЛАР 2878 ТӨГРӨГИЙН ҮНЭТЭЙ БАЙНА-

   Ам.доллар, валютын үнэ ханш сүүлийн жилүүдэд өсөөд буй. Тэр дундаа хичээл, сургууль орох үеэр ам.долларын үнэ ханш илүүтэй өсдөг. Энэ ч утгаар гуравдугаар сарын байдлаар долларын үнэ мөн өссөн үзүүлэлттэй байна. Тухайлбал, Монгол банкнаас гуравдугаар сарын 11-ны байдлаар зарласан валютын ханшаар ам.доллар 2878 төгрөг, евро 3184, юань 455.31 төгрөгийн үнэтэй байна. Харин голомт банкнаас гаргасан валютын ханшаар ам.доллар авах нь 2878, зарах нь 2893, евро авах нь 3126, зарах нь 3276, юань авах нь 452.50, зарах нь  463.708 төгрөгийн үнэтэй байна. Мөн Худалдаа хөгжлийн банкнаас гаргасан валютын ханшаар ам.доллар авах нь 2879, зарах нь 2893, евро авах нь 3132, зарах нь 3233.00 төгрөгийн үнэтэй байгаа бол юань авах нь 453.00, зарах нь 460.30 төгрөгийн үнэтэй байна. Харин “Найман шарга” захын хувьд ам долларын үнэ ханш ам.доллар 2870 төгрөг, евро 3255 төгрөг, юань 453.0 төгрөгөөр худалдаалж байна.

-“Эмээлт зах”-д ноолуурын үнэ 115 мянга бол орон нутагт 150-230 мянган төгрөгийн үнэтэй байна-

   “Эмээлт зах”-д нэг кг ноолуурын үнэ 115 мянган төгрөгийн үнэтэй байгаа аж. Мөн үргэлжлүүлэн бусад аймаг, орон нутагтай холбогдон ноолуурын үнэ асуулаа. Хэнтий аймагт нэг киллограмм ноолуурын үнэ 150 мянган төгрөгийн үнэтэй байна.

Харин Сүхбаатар аймагт кг ноолуурын үнэ 210 мянган төгрөг байгаа бол Дорнод аймагт нэг кг ноолуур 230 мянган төгрөгийн үнэтэй байгааг тус аймгийн худалдаачид онцолж байна. Энэ нь өнгөрсөн жилээс 50 мянган төгрөгөөр өсжээ.

-АИ-92 ШАТАХУУНЫ ҮНЭ ДАХИН 100 ТӨГРӨГӨӨР НЭМЭГДЖЭЭ-

      Дэлхийн зах зээл дээр газрын тосны үнэ  2022 он гарснаас хойш тасралтгүй  өссөөр ирсэн ба сүүлийн нэг сарын хугацаанд огцом өсөлтийг үзүүлээд байгаа. Өнгөрсөн  хугацаанд шатахууны үнийн шатахууны үнийн зөвлөлийн шийдвэрээр АИ-92 шатахууны үнийг хэд хэдэн удаа нэмсэн. Хамгийн сүүлд хоёрдугаар сарын 10-нд АИ-92 шатахууны үнэ 45-50 төгрөгөөр нэмэгдэж байсан юм. Сүүлчийн долоо хоногт газрын тосны үнэ нэмэгдэж байгаатай холбоотойгоор гуравдугаар сарын 10-нд АИ-92 шатахууны үнэ 100 төгрөгөөр нэмэгдэж 2390 төгрөг болсон байна. Мөн л газрын тосны үнэ нэмэгдсэнээс үүдэн  тус шатахууны үнийг нэмсэн байна.