Хөвсгөл аймгийн Эрдэнэбулган сумын гуравдугаар хорооны айлууд, мал, хашаатайгаа усанд автаж байгаа. Энэ талаар тус сумын ЗДТГ-ын дарга М.Оюумаагаас тодрууллаа.

     Тэрбээр “Эгийн голын халиа хэвээрээ байна. Тус голтой ойролцоо манай сумын 33 айл бий. Түүний 30 нь сумын төвд харьяалагддаг. Одоогоор 23 айл малтайгаа нүүсэн. Тухайн үед аврагчид 50 орчим үхэр гурван автомашинтай голоор гаргаж байгаад мөсөнд сууж,  автомашинаа гаргаж чадаагүй гурав хоносон. Аймгийн Онцгой байдлын газрын аврах ангийн аврагчид сумын иргэдтэй хамтарч гаргасан. Голын ойролцоох айлуудын хохирлын хэмжээг тодорхой болгоогүй байна. Тухайлбал, усанд автсан айлын эд хогшил, бүрээс, эсгий, шал, хатавч, малын өвс, тэжээл усанд хөлдсөн байгаа. Одоогоор Онцгой байдлын алба хаагчид ажиллаагүй байна. Харин сум орон нутгийнхан хуралдаж, голын ойролцоо хашлага барих хариу арга хэмжээг авч хэрэгжүүлэхээр ажиллаж байна” гэлээ.