Засгийн газрын хуралдаанаар Уул уурхай, хүнд үйлдвэрийн сайд Г.Ёндон мэдээлэл өглөө. Тэрбээр “Засгийн газрын хуралдаанаар Хайгуулын тусгай зөвшөөрлийг олгох сонгон шалгаруулалтын журмыг шинэчлэн баталсан. Энэ журмыг хамгийн сүүлд 2018 онд шинэчилсэн юм. Ингэснээр тусгай зөвшөөрлийг сонгон шалгаруулах ажлыг нээлттэй ил тод болгоно. Тухайн оны эхэнд буюу I улиралд багтаан тусгай зөвшөөрөл олгох талбайг ил тод мэдээлнэ. Хавар хайгуулын компаниуд шууд ажилдаа орох боломжоор хангах зорилгоор шийдвэр гаргалаа. Одоогоос 10 жилийн өмнө Монголд 2570 тусгай зөвшөөрлийн хүрээнд 300 гаруй тэрбум төгрөгөөр хайгуул хийж байсан. Гэтэл энэ жил 900 гаруй зөвшөөрлийн хүрээнд хайгуул хийж байна” гэв.