Монголын үндэсний олимпын хорооны тэргүүн дээд шагнал гардуулах “Бөртэ Чоно-2021” наадам өчигдөр болж, шилдгүүдээ тодруулсан билээ. Тус наадмын шилдэг эрэгтэй тамирчнаар олимпын хүрэл медальт гавьяат тамирчин Ц.Цогтбаатар шалгарсан юм. Түүнтэй холбогдож баярын сэтгэгдлийг нь хуваалцлаа.

   Тэрбээр “Оны шилдгийн шилдэг эрэгтэй тамирчнаар шалгарсандаа баяртай байна. Цаашид улам илүү хичээх хүч, зориг орлоо. Өнгөрсөн бүх амьдралаа спортдоо зориулсан цаашид ч зориулж улс орныхоо нэр сүрийг мандуулна. Надад үргэлж тусалж, дэмжиж байдаг багш дасгалжуулагч, гэр бүлийнхэн, хамт олондоо маш их баярлалаа” гэлээ.