"Хүний Эрхийн Үндэсний форум-2021" өнөөдөр болж байна.

      Энэ үеэр Хүний Эрхийн Үндэсний комиссын даргын үүргийг түр орлон гүйцэтгэгч, гишүүн Ж.Хунан "Өнөөдрийн байдлаар Нэгдсэн үндэсний байгууллагын хүний эрх, хүн ам, нийгэм, эдийн засгийн хөгжилд ардчилсан засаглал, эрүүл мэнд, хүүхэд, шилжилт хөдөлгөөн, уур амьсгалын өөрчлөлт, байгаль орчныг хамгаалах зэрэг чиглэлээр 11 байгууллага манай улсад төлөөлөгчийн газраа байгуулж, төсөл хөтөлбөр хэрэгжүүлэн Монгол Улсдаа хамтран үйл ажиллагаа явуулж байна. Энэ онд Монгол Улс Нэгдсэн Үндэсний байгууллагад элссэний 60 жилийн ой тохиож байгаа бөгөөд энэ хүрээнд 193 улстай дипломат харилцаа тогтоож, 294 олон улсын олон талт гэрээ, конвенцед нэгдэн орсноос хүний эрхийн чиглэлээр 36 гэрээ конвенц байна.

   Өнгөрсөн хугацаанд бид хүний эрхийг хангах, хамгаалах чиглэлээр багагүй амжилт гаргасан. Тухайлбал, Хүний эрхийн түгээмэл тунхаглал, олон улсын гэрээ, конвенцэд нийцүүлэн 1192 онд баталсан, ардчилсан хуулиндаа хүний эрх, эрх чөлөөг бүтэн бүлэг болгон баталгаажуулснаас гадна төрөөс хүний эрх, эрх чөлөөг хангахуйц эдийн засаг, нийгэм, хууль зүйн болон бусад баталгааг бүрдүүлэх, хүний эрх, эрх чөлөөг зөрчихтэй тэмцэх, хөндөгдсөн эрхийг сэргээн эдлүүдэх үүргийг иргэнийхээ өмнө хариуцах гэж төрийн үндсэн үүргийг тодорхойлсон. Монгол Улсад өнөөдөр хүчин төгөлдөр 400 орчим хууль, үндсэн хуулийн үзэл баримтлалд тулгуурласан хүний эрхийн эрх чөлөөг баталгаажуулах, хангах, үндсэн эрхийг сэргээх, эрхээ эдлэх, үүргээ биелүүлэх эрхзүйн орчныг бүрдүүлсэн байна" гэв.