Монгол Улсын 60 орчим иргэн, таван автомашинтай улсын хил зөрчиж, ОХУ-ын талд саатуулагдсан талаар бид мэдээлсэн. ОХУ-ын талд саатуулагдсан таван автомашинтай 60 орчим иргэн өчигдөр Хэнтий аймгийн Өмнөдэлгэр суманд байрлах Минжийн заставыг хариуцсан хэсэг хилийн дугаар тэмдгийн чиглэлээр хил давсан байна.

Тэгвэл ОХУ-ын талд саатуулагдсан иргэдийг өнөөдөр буюу арванхоёрдугаар сарын 8-ний хилийн бүрэн эрхт төлөөлөгчийн туслагчийн уулзалтаар хүлээн авахаар ОХУ-ын талтай тохиролцсон талаар ХХЕГ-ын Хэвлэл мэдээлэл, олон нийттэй харилцах албанаас мэдээллээ.

          Мөн энэ оны эхний хоёр сард Хэнтий аймгийн Өмнөдэлгэр, Батширээт, Сэлэнгэ аймгийн Хүдэр сумын нутагт байрлах хилийн зурваст хил орчмын дэглэм зөрчсөн 35 удаагийн 485  хүнийг, сүүлийн хоёр сарын хугацаанд хил орчмын дэглэм зөрсөн таван удаагийн 68 хүнийг улсын хилээс 1-15 километр зайд илрүүлэн саатуулж, холбогдох хууль тогтоомжийн дагуу хариуцлага тооцсон байна.