Монгол Улсын Засгийн газрын 2020-2024 оны үйл ажиллагааны хөтөлбөрийг хэрэгжүүлэх төлөвлөгөөний 2.6.3.4, 2.6.3.5 дахь заалт, Монгол Улсын Засгийн газрын 2021 оны 168 дугаар тогтоолын хэрэгжилтийг хангуулах ажлын хүрээнд орон нутгийн соёл, урлагийн байгууллагуудын үйл ажиллагаатай танилцах, төрийн албаны болон төсвийн шинэтгэлийн хүрээнд менежментийн шинэчлэлийг эхлүүлэх, мэргэжил, арга зүй удирдлагаар хангах зорилгоор 2021 оны арванхоёрдугаар сарын 2-3-ны өдрүүдэд Увс аймагт ажиллажээ.

Соёлын яамны Төрийн нарийн бичгийн дарга С.Оюунбилэгээр ахлуулсан ажлын хэсэгт Соёлын өвийн үндэсний төвийн захирал Г.Энхбат, "Богд хааны ордон музей"-н захирал Ц.Эрдэнэбаатар, Улсын драмын эрдмийн театрын ерөнхий найруулагч, Монгол Улсын Төрийн соёрхолт Н.Наранбаатар, Соёлын яамны Соёл, гэгээрлийн газрын мэргэжилтэн Д.Мөнхцэцэг нар ажиллалаа.

Ажлын хэсэг нь Соёлын яамны 2021-2024 оны стратегийн төлөвлөгөө, Монгол Улсын Засгийн газрын 2021 оны 168 дугаар тогтоолоор батлагдсан “Тогтоолд өөрчлөлт  оруулах тухай" тогтоолын хэрэгжилт, Соёлын бүтээлч үйлдвэрлэлийг хөгжүүлэх боломж, шилдэг туршлага, Увс аймгийн соёлын өвийн бүртгэл, хадгалалт хамгаалалт, музейн хөгжил, соёлын төв, ордны орчин болон үйлчилгээний жишиг стандартын төслийн талаар мэдээлэл өгч, зөвлөв.

Энэ үеэр аймгийн Хөгжимт драмын театр, номын сан, музей, Улаангом сумын соёлын төв, Бөхмөрөн сумын соёлын төвийн үйл ажиллагаатай танилцаж, удирдлага, мэргэжил арга зүйгээр ханган ажилласан юм. Мөн Увс аймагт Соёлын хэлтсийг шинээр эмхлэн байгуулсантай холбогдуулан шаардлагатай зарим компьютер, тоног төхөөрөмж гардуулав.

Мөн соёлын салбартаа олон жил үр бүтээлтэй ажилласан соёлын ажилтнууддаа “Монгол Улсын соёлын тэргүүний ажилтан", Соёлын яамны “Жуух бичиг”-ээр тус тус шагнажээ.