Улсын Гуравдугаар Төв Эмнэлгийн Ерөнхий мэс заслын баг Төрийн соёрхол хүртжээ. Тодруулбал, 30 жилийн дараа УГТЭ-ээс гурав дахь удаагаа Ерөнхий мэс заслын тасгийн эрхлэгч  Ц.Лочин эмчтэй баг хамт олон дэлхийд үнэлэгдэх мэс заслын шинэ багаж технологи санаачлан нэвтрүүлж,  “ДЭЛХИЙН ОЮУНЫ ӨМЧИЙН АЛТАН МЕДАЛЬ” хүртсэн амжилтаараа “ТӨРИЙН СОЁРХОЛ”  шагналыг хүртэж байгаа аж.

   Түүхэн баярын өдөр УГТЭ-ийн хамт олноос олон жилийн дараа Төрийн соёрхолтнууд дахин төрөн гарч салбар, эмнэлэг, хамт олноо баярлуулж Эрүүл мэндийн салбарын 100 жилийн ойд түүхэн том бэлэг барьж байгаа юм. Ерөнхий Мэс заслын тасгийн эрхлэгч Ц.Лочин эмчийн бүтээл дэлхийд төдийгүй эх орондоо өндрөөр үнэлэгдсэн билээ. Мөн 1981 онд Т. Шагдарсүрэн багштай зүрхний мэс заслын баг, 1991 онд Ж.Хайррулла багштай мэдрэлийн мэс заслын баг хамт олон тус шагналыг хүртэж байжээ.