Монгол Улсын Ерөнхийлөгчийн зарлигаар Соёл урлагийн салбарт үнэтэй хувь нэмэр оруулсан уран бүтээлчдийг өндрөөр үнэлж, шагнал гардууллаа. Энэ үеэр Хөдөлмөрийн баатар цол, тэмдгээр шагнагдсан Н.Сувдын баярын сэтгэгдлийг хуваалцлаа.

      Тэрбээр “Төр засаг, үзэгч түмэндээ маш их баярлалаа. Орчин үеийн мэргэжлийн театр байгуулах гэж итгэл, зүтгэл, оюун санаа, авьяас билгээ дайчилж байсан ахмадууддаа баярлалаа. Тэд маань тэнгэрээс харж байгаа гэдэгт итгэл дүүрэн байна. Тэдний бүтээл, зүтгэл, хүсэл өнөөдөр бидэнд шагнал болж байна. Тэд нартаа мэхийн ёсолж, үнэхээр их баярлаж талархсанаа хамгийн түрүүнд илэрхийлье.  Мөн үзэгчгүйгээр театр оршин тогтнохгүй байсан. Монголчууд хамтдаа зүтгэж чадах юм бол дэлхий дахинд нэрээ цуурайтуулж чадна.  Уран бүтээлчдийн ард олон сайхан ээжүүд, эмэгтэйчүүд байдаг юм шүү. Бүх хүнд эрүүл энх, амжилт бүтээлийн дээдийг хүсэн ерөөе” гэлээ.