Монгол Улсын ардын жүжигчин Д.Мэндбаярт Хөдөлмөрийн баатар цол хүртээхээр болжээ. Монголын тайз, дэлгэцийн шилдэг уран бүтээлчдийн нэг тэрбээр 1944 онд Ховд аймгийн Манхан суманд мэндэлсэн. 1959 онд Улсын багшийн дээд сургуулийн Кино драмын жүжигчний ангид элсэн орж, 1963 онд Улсын драмын эрдмийн театр хуваарилагдсан бөгөөд театрын тайзан дээр үндэсний болон дэлхийн сонгодог 200-аад жүжгийн гол ба туслах дүрд тоглосон байна. Түүний хөдөлмөр зүтгэл, авьяасыг үнэлж, 1981 онд гавьяат жүжигчин, 2005 онд Ардын жүжигчин цолоор шагнаж байсан юм.