Төв аймгийн Засаг дарга Л.Төмөрчөдөр  өчигдөр арванхоёрдугаар сарын 1-ний өдөр чөлөөт бөхийн тамирчдыг хүлээн авч уулзав. Тэрбээр улс, олон улс, тив, дэлхийн тэмцээн уралдаануудад амжилт үзүүлж,  аймаг, орон нутгийнхаа нэрийг өндөрт өргөж яваа чөлөөт бөхийн багш дасгалжуулагчид, тамирчдын төлөөлөлд баяр хүргэв.

     Төв аймгийн Засаг даргын зүгээс уулзалтад ирсэн тамирчдын амжилтад баяр хүргэж таван сая төгрөгөөр мялаасан бөгөөд энэ сард болох олон улсын чанартай тэмцээн уралдааны бэлтгэлийн зардалд зориулан 15 сая төгрөгийг шийдвэрлэхээ илэрхийллээ.  Мөн цаашид оролцох уралдаан, тэмцээний зардал дээр дэмжлэг үзүүлж, чөлөөт бөхийн бэлтгэлийн дэвжээ, сургалтын орчныг сайжруулах асуудлыг ирэх оноос эхлэн шат дараатай хэрэгжүүлэх болно гэлээ.