ОХУ-ын Москва хотод энэ сарын 22–23-нд зохион байгуулагдсан гараар татах хүчний дэлхийн цомын аварга шалгаруулах тэмцээн болов. Тус тэмцээнд Монголын гараар татах хүчний холбооны тамирчин, дэлхийн хошой аварга Н. Соёлдэлгэр 125 кг-ын жинд амжилттай оролцож хоёр ангилалд тэргүүлэн ОХУ-ын спортын мастер, ОХУ-ын олон улсын хэмжээний мастер цол, зэргүүдийг албан ёсоор хүртлээ.

    Эдгээр өндөр зэрэглэлийг олон улсын стандартын дагуу албан ёсны тэмцээн, шалгагчдын комисс, допингийн хяналт бүрэн хангасан нөхцөлд гардан авсан нь онцгой ач холбогдолтой. Энэ амжилт нь Монголын гараар татах хүчний спортод , ялангуяа гадаад улсын албан ёсны тэмцээнээс мастер болон олон улсын хэмжээний мастер цол авсан анхны түүхэн амжилтын нэг боллоо.