Киргиз Улсад чөлөөт бөхийн олимпын эрх олгох Ази тивийн  “БИШКЕК-2024” тэмцээн өнөөдөр эхэллээ. Өнөөдөр манай улсын эрэгтэй зургаан тамирчин олимпын эрхийн төлөө барилдсан. Шигшээ барилдаан буюу шөвгийн дөрөвт манай дөрвөн тамирчин шалгарч үлдээд байна.  

         Хөнгөн жин 57 кг-д залуу тамирчин Б.Мөнх-Эрдэнэ, Ираны бөх Ахмад Жаваныг 14:3-аар илт илүүрхэн ялж, шөвгийн дөрөвт үлдсэн. Хүнд жин 86 кг-д ОУХМ Б.Бат-Эрдэнэ, Иорданийн бөхийг 9:1-ээр хожсон бол 97 кг-д ОУХМ Г.Ганхуяг Узбекистаны бөхийг оноогоор цэвэр, 125 кг МУГТ М.Лхагвагэрэл, Энэтхэгийн бөхийг оноогоор цэвэр ялж шөвгийн дөрөвт шалгарч үлдээд байна. Тэдэнд олимпын эрх авахад ганцхан ялалт хэрэгтэй байгаа.

         Харин эрэгтэйчүүдийн 65 кг-д ОУХМ Ц.Цогбадрах, Киргизстаны бөхөд, 74 кг-д ОУХМ О.Сүлдхүү, Өмнөд Солонгосын бөхөд ялагдаж олимпын эрхийн төлөө барилдах боломжгүй боллоо.