Дарханы шинэ “Спорт цогцолбор”-ын “А”, “Б” заалны барилгын ажил долдугаар сарын 1-ний  дуусч ашиглалтад орно гэж байна.         Тус цогцолборыг  “Химон констракшн”, “Нэмбар” компанийнхан Эрүүл мэндийн яамны зарласан 11.6 тэрбум төгрөгийн тендерт ялж аваад 2011 оны долдугаар сарын 6-ны өдөр барилгын улаан шугамыг татан, сүр дуулиантайгаар шав тавьж байлаа.

         Гэтэл 13  жилийн хугацаанд баригдаж буй уг спорт цогцолбор одоо болтол ашиглалтад ороогүй хэвээр байгаа.  “Нэмбар” компани 2012 оны арванхоёрдугаар сарын 30-ны өдөр ашиглалтад өгөх байлаа. Тус компани 2012 онд тус цогцолборын гүйцэд цутгаж амжаагүй байсан юм. Анхны төсөвт өртөг, санхүүжилтын 27 тэрбум төгрөгт хүргэсэн ч өнөөг хүртэл ашиглалтад өгч чадахгүй хэвээр байв. “Нэмбар” ХХК-ийн хариуцлагагүй байдлаас үүдэн барилгын ажил удааширсан. Иймд гэрээг цуцалж шинээр тендер зарлан зэвсэгт хүчний барилгын 017-р ангитай гэрээ байгуулан ажиллаж эхэлжээ.

            Зэвсэгт хүчний барилгын 017-р ангийн тухайд 70 жилийн түүхтэй зэвсэгт хүчний барилгын хамгийн том хороо юм. Одоогоор таван блокт 160 төрийн албан хаагч ажиллаж 10 хоногийн хугацаанд хийх ёстой ажлынхаа 10 орчим хувийг хийгээд байгаа аж.  “А” болон “Б” зааланд лед дэлгэц, сагсны шид, агааржуулалт, гэрэл гэх мэт тоноглолуудыг хийх үлдсэн байна. Тэд долдугаар сарын 1-ний өдөр гэхэд ашиглалтад оруулах зорилтыг тавиад байгаа юм байна.