Монгол Улсын хөдөлмөрийн баатар, гавьяат тамирчин, олимпын мөнгөн медальт, дэлхийн аварга Доржсүрэнгийн Сумъяа 1991 оны энэ өдөр Увс аймгийн Баруун туруун суманд мэндэлжээ.

      Тэрбээр жүдо барилдааны 57 кг-ын жинд олимпын мөнгө, ДАШТ-ий алт, хошой хүрэл медальтай. “Астана 2015” ДАШТ-ээс хүрэл, “Будапешт 2017” ДАШТ-ээс алт, “Баку 2018” ДАШТ-ээс хүрэл медаль хүртсэн. “Инчон 2014”, “Жакарта 2018” Азийн наадмаас хүрэл, “Ташкент 2012” , “Бангкок 2013” Азийн аваргаас хүрэл, “Ташкент 2016” Азийн аваргаас алтан медаль хүртсэн. “World masters”-т дөрвөн удаа түрүүлж байсан билээ.

        Д.Сумъяа жүдо бөхийн түүхэн дэх Монгол Улсын дөрөв дэх дэлхийн аварга юм. Мөн самбо бөхийн дэлхийн гурван удаагийн аварга билээ. 2014 оны ОХУ-ын Челябинск хотод болсонДАШТ-ий багийн барилдаанд мөнгө, 2015 оны Өмнөд Солонгосын Гванжу хотод болсон дэлхийн оюутны их наадмаас алтан медаль хүртэж байв.  Мөн самбо бөхөөр 2012, 2013, 2014 онуудад дараалан ДАШТ-д гурван удаа түрүүлж байсан билээ.