Жүдо бөхийн ОУХМ Г.Хэрлэн 1992 оны энэ өдөр Сэлэнгэ аймгийн Сант суманд мэндэлжээ.  Тэрбээр өнөөдөр 32 нас хүрч байна. Харин өчигдөр ОУХМ М.Ичинхорлоогийн төрсөн өдөр байжээ. Жүдо бөхийн “Шилдэг хоёр мастер”-даа төрсөн өдрийн мэнд хүргэе.

           ОУХМ Ганболдын Хэрлэн жүдо бөхийн “World masters"-ийн алт, мөнгөн медальтай. “Топ-66” тэмцээний аварга, Баку-2018" ДАШТ-ий Vll байрын шагналт  "Хонконг-2017" Азийн аварга шалгаруулах тэмцээнээс  хүрэл медаль хүртэж байв.

            "Абу-Даби-2014", "Тбилиси-2021", "Тель-Авив-2022", "Будапешт-2022"  их дуулгын хүрэл медальтай. IJF-ийн цуврал гран пригээс дөрвөн алт, хоёр мөнгө, найман хүрэл медаль зүүж байлаа.

          Тэрбээр Сэлэнгэ аймгийн Сант суманд байх үедээ биеийн тамирын Вандангийн Ганболд багшийн удирдлага дор бэлтгэл хийдэг байжээ. Түүний дараа Дархан хотын Биеийн тамир спортын хороо руу шилжиж жүдо бөхийн дасгалжуулагч Батбилэг, япон багш Минако нарын шавь болсон байдаг. Дунд сургуулиа төгсөөд Дарханаас Улаанбаатарт ирээд “Олимп” сургуульд Нармандах багшийн шавь болж оржээ. Энэ олон сайхан багш нарынхаа ачийг амжилтаараа хариулахыг хичээж яваа гэсэн.