Монгол Улсын Шинжлэх ухааны академийн Археологийн хүрээлэн, Түүх угсаатны зүйн хүрээлэн, МУИС, МУБИС, ШУТИС зэрэг байгууллагуудын эрдэмтэд уулзаж монголчуудын “ҮНДЭСНИЙ УЛАМЖЛАЛТ СПОРТЫН ТҮҮХЭН ХӨГЖЛИЙН” талаар эх сурвалж архелогийн олдворт тулгуурлан эрдэм шинжилгээ, судалгааны бүтээл хийх талаар санал солилцлоо.

           Уулзалтаар уг бүтээлийн судалгааг дор дурдсан түүхэн цаг үед хамааруулан гүйцэтгэхээр тохиролцлоо. Үүнд: Хүннү гүрнээс өмнөх үе, Хүннү гүрэн ба эртний төрт улсуудын үе, Монголын эзэнт гүрэн ба түүний дараах үе, ХХ зууны үе гэсэн байдлаар бүтээгдэх юм.

         Мөн энэхүү судалгаанд үндэслэсэн бүтээлийг хэвлэмэл болон видео контент хэлбэрээр олон нийтэд хүргэнэ гэдгийг БТСУХ-ны даргын үүргийг түр орлон гүйцэтгэгч О. Баттулга онцлов.