Олон улсын хоккейн холбоо, Монголын хоккейн холбоо хамтран “Ice Hockey U18 Asia Oceania Championship” тэмцээнийг Монгол Улсад гуравдугаар сарын 11-нээс 17-ны өдрүүдэд зохион байгуулж байгаа юм. Энэхүү тэмцээний гуравдахь өдрийн тоглолт өчигдөр буюу энэ сарын 14-нд “Steppe Arena”-д боллоо.

       Гуравдах өдөр болсон эхний тоглолтод Тайландын баг Ираны багийг 8:0-ийн харьцаатайгаар хожиж тэмцээний анхны хожлоо авсан. Тоглолтын гурав дахь өдөр Тайландын багийн шилдэг тоглогчоор долоо дугаартай тоглогч Роунгварунваттана Сукол шалгарсан. Харин Ираны багийн шилдэг тоглогчоор 47 дугаартай тоглогч Аболфазл Эслами шалгарсан байна.

        Мөн өдрийн хоёр дахь тоглолтод Туркменистаны баг Арабын Нэгдсэн Эмиратын багийг 7:2-ын харьцаатайгаар хожиж анхны хожлоо авлаа. Энэ өдрийн Туркменистаны багийн шилдэг тоглогчоор долоо дугаартай тоглогч Архипов Матвей шалгарсан боо Арабын Нэгдсэн Эмиратын багийн шилдэг тоглогчоор найм дугаартай тоглогч Топик Томас шалгарчээ.

     Тэмцээний гуравдах өдрийн сүүлийн тоглолтод Монголын баг Узбекистаны эсрэг тоглосон ба Узбекистаны баг Монголын багийг 7:4 харьцаатайгаар хожиж гурав дахь хожлоо аваад байна. Узбекистаны багийн гурав дахь өдрийн шилдэг тоглогчоор нэг дугаартай тоглогч Иргаснев Рустав шалгарав. Монголын багийн шилдэг тоглогчоор 15 дугаартай Болдбаатар Билгүүн шалгарлаа.

       Тэмцээний гуравдах өдрийн тоглолтоор Узбекистаны баг гурван  хожилтойгоор эхний байранд есөн оноотойгоор бичигдэж эхэллээ. Харин Монголын баг болон Туркменистаны баг ижил зургаан оноотойгоор хоёр болон гуравдугаар байранд бичигдэж байна.