“Мөсөн ордон”-д эхэлсэн шайбтай хоккейн “U18” насны “Challenge Cup” тэмцээний хоёр дахь өдрийн тоглолтод Монгол Улсын шигшээ баг АНЭУ-ын шигшээ багийг 10:2-оор итгэл төгс буулган авснаар хоёр дахь хожлоо байгуулсан билээ.

         Манай багаас Эмиратын эсрэг Б.Билгүүн 5, Д.Лхагвадорж, Б.Мөнхманлай, М.Чинзолбоо, Б.Дөлгөөн, Э.Ариунбилэг нар тус бүр нэг гоолоор өрсөлдөгчийнхөө хаалгыг мялаасан юм. Монголын хоккейчид өнөөдөр гуравдугаар сарын 14-ний өдрийн 17:00 цагт эхний хоёр тоглолтод өрсөлдөгчөө илт давуу хожсон Узбекистан Улсын хүчирхэг багтай гурав дахь тоглолтоо хийнэ.